قادر آلله سئل آپاریب هریانی
فرهاد شیرین،شیرین فرهاد اولوبدور
قاریشیبدیرار-آروادین آراسی
آرواد کیشی،کیشی ،آرواد اولوبدور
انسان اوغلو تعظیم ائدیرانسانا
وئریبدیر نوختاسین اوشاق-آروادا
تانیش اولوب کیشی،آرواد هر یادا
مملکتین ایشی برباد اولوبدور
قوران کیلاسینا دای گئتمیر اوشاق
اوشاق بوغدا اولوب،اؤیرتمن اوراق
آق قارادیر،دؤز باخاسان قار اآق
قوران اؤیرتمنی شیّاد اولوبدور
ایشیق کیمین بیزلره ساچدی گئتدی
باش توولاییب نوختاسین آچدی گئتدی
«کل اوغلانین» ائششگی قاچدی گئتدی
عرعرائدیر چونکی آزاد اولوبدور
مملکت ویرانه دیر،آباد اولسون یاخچی دیر
چونکی آباد اولدو لاپ آزاد اولسون یاخچی دیر
بیر کیشی مچیددَه اوستوردو،دوروب خالغا دئدی:"
آغلاماق بس دیر،اؤرَکلر شاد اولسون یاخچی دیر"
چونکی گئتدین جبهه یَه ،سنگر دَه بش بشکه شراب
ویسکی و قیرخ بش گؤزل آرواد اولسون یاخچی دیر
بیر اوشاغدان فایده اولماز عزیزیم سعی ائله
هر کیشی دَه اون دَنَه اوولاد اولسون یاخچی دیر
قاشلاری نازک،دوداغی قیرمیزی،ساچلار اوزون
"مَش عبادین"آروادی "فرشاد"اولسون یاخچی دیر
بیر آدی باتمیش آدام شیخَه دئییردی کوچه دَه:"
منبرین اؤستؤندَه بیزدَن یاد اولسون یاخچی دیر"
ملّتی ارشاد ائدیر آمما اوزو یولدان چیخیب
وئر تذکّر شیخ اگر ارشاد اولسون یاخچی دیر
اولمالی بیر شی دئییل آمما مشاور سؤیلَه دی:"
ائودَه آرواد:لیلی اَر فرهاد اولسون یاخچی دیر"
"مَش سلیمان" بِش دَنَه آرواد آلیب آمما گئنَه
بیر گئجه گیزلین گئدیب داماد اولسون یاخچی دیر
نومره لَر عالی ولی یوخدور آداملیغدان خبر
مهد و کانون ادب بنیاد اولسون یاخچی دیر
هرکسَه هر گوشَه دَه میز و ریاست وئرسَه لَر
اوندا بیر آز عرضه،استعداد اولسون یاخچی دیر
پیس دئییل اشعاری آمما لاپ"کل اوغلان" طنز دَه
"صابر" و "مُعجز "کیمین استاد اولسون یاخچی دیر
هاوا ایستی یا سویوق، ماسک بزن
آی قودوق ماسک بزن
جَمعده چَکمَه چوبوق، ماسک بزن
آی قودوق ماسک بزن
سَن کرونا توتاسان،میثل خوروز
قودرتین وئرمَه بیروز
لوطف ائله میثل تویوق ماسک بزن
آی قودوق ماسک بزن
کرونانین خطریندَن حَذَر ائت
دوز سؤزو مَندن ائشیت
گول بیر آز،اولما عونوق،ماسک بزن
آی قودوق ماسک بزن
وورماسان ماسک گونش، اولدوز، آی
گله‌جکده چؤل و چای
سَنی گؤرمَز بو اوفوق، ماسک بزن
آی قودوق ماسک بزن
قورخ، موراعات ائله غافیل اولما
جَهله داخیل اولما
دَرک ائله،ائیله‌مَه ذؤوق، ماسک بزن
آی قودوق ماسک بزن
جَمعده،مدرسَه‌ده،مجلیسده
یولدا،هر آدرسده
میثل بیر یاخشی جوجوق ماسک بزن
آی قودوق ماسک بزن
قویما ویروس سوخولسون ایچَه‌ری
از قاباق یا کی گئری
یوللاری ائیله قوروق، ماسک بزن
آی قودوق ماسک بزن
موشتولوق وئر حاج آقا خیردا قیز و اوغلان را
می رسد مژده ی گل بلبل خوش الحان را !
دان یئلی ! چاتدین اگر یاز گونی گولشن،چمنه
خدمت ما برسان سرو و گل و ریحان را !
مَنه گر موفته وئره ساقی ِ میخانه شراب
خاکروب ِدر میخانه کنم مژگان را !
سو،چورک قیمتی هر لحظه ده گئتمه یوخاری
مضطرب حال مگردان من ِ سرگردان را !
گل آپار ترکیه یه متقی قارداشلاری تا
در سر ِکار خرابات کنند ایمان را !
گوزو آجین ائوینه گئتمه قولاق وئر منه سن
کاین سیه کاسه در آخر بکشد مهمان را !
ییخیلار باشینا آخیردا یاواش زلزله دن
گو چه حاجت ؟ که به افلاک کشی ایوان را !
آی قاچاقچی یئنی ایلده گئنه عفو دگدی سنه
وقت آن است که بدرود کنی زندان را !
سن رئیس اؤلمیاجاقسان بیلوسن ؛ پس « حافظ»
دام تزویر مکن چون دگران قرآن را !!
کسب زر و سیم،سعادت ائیله
اوغرولوغو بی نهایت ائیله!
پول قووزا ولیک خلق ایچینده
هی اوغرولاری شماتت ائیله!
هی زرزر اوشاق قازانما جانیم!
بیر ثانیه استراحت ائیله!
بس دیر دای اوتان،جماعدان ال چک
گل گئت نمازین جماعت ائیله!
قانون یازان ای موجّه اینسان
قانونو بیر آز رعایت ائیله!
آی آج آدام،آی بئلی بوکولموش!
اؤیرنجیلری هدایت ائیله!
گئت داغلارا آجلیغین الیندن
باش چال داشا هی شیکایت ائیله!
ائششک آدامی گؤرنده تعظیم
عرض ادب و ارادت ائیله !
گؤجلو دئییل آمما ای اوخوجو
بوشعری اوخو روایت ائیله !!
من نگویم رفقا قبر مرا«داش» کنید
قطره اشکی بچکانید و مرا«یاش»کنید !
برسر قبر شما هم وطنان می رینند!!
سر قبر من اگر بی ادبان شاش کنید!
کۆره کَنلر من اؤلَن گۆنده گؤتوزده تۏی اۏلار !
آغلایین اۆزده ولی دالدا «نیناش ناش»کنید !
قبریم اۆستونده گلیب؛آغلامایین صیغه لریم
قورخورام یاس گئجه سی راز مرا فاش کنید !
دئدی بیر جوجه مهندس:«ایشیمیز یۏخ»آقالار !
لطف ائدیب کارخانالاردا؛بیزی فراش کنید !!
اولماسا پول تانیمازلار سیزی؛هئچ کس سایماز!
حذراز باجی و باج اوغلو و قارداش کنید
آشیخ بویور کی نه جور
افکاریوی آسدیراق
سَنی اؤلندَن سورا
گیزلین هاردا باسدیراق
◾️◾️◾️
قورخورام قبر ایچیندَه
بوراخماسان میللتی
دوربین قویوب،گؤزله رسن
«سارانی»،«مَش همّتی»
◾️◾️◾️
ایرانین بئلی سینیب
میللت اولور آجیندان
لطف ائله گل آشاغی
ریاست آغاجیندان
◾️◾️◾️
بیر ایش گؤر اؤزگۆر قالسین
ایران بادا گئتمه َسین
آبادانلیق،آداملیق
ایرانی ترک ائتمَه سین
◾️◾️◾️
بونو بیل گلن نسیل
یاخشی−یامانی بیلر
آبادلیق،ویرانلیغی
سنین گؤزوندن گؤرَر
◾️◾️◾️
قاچ گل قاتیل میللتَه
دور،اوتور، ورزش ائله
باسما باشین دوورا
بیر آز دا نرمش ائله
ییخدیم یئره خرمن دَه «مَشَه قوربان » را
چکدیم باشینا بورک و جیریق تومان را
ووردوم شاپالاق، دئدیم کی:ای ائششک آدام
« گر مِی نخوری طعنه مزن مستان را»
حیدربابا تغییر ائدیب زامانا
بیتلر گلیب گیریب بیزیم تومانا !!
حیدربابا قیز اوغلاندان اوتانمیر !
فلک بیزیم آرزیمیزا دولانمیر !
بوش ال لَری،بیکاردیلار کیشی لر !
قیناییرلار اِرکک لَری دیشی لر !
مؤمن لر کی دایم ال-یوز یوئورلار!
بازارلاردا یامان دری سویورلار !
حیدربابا قول قیچیمیز قیریلدی !
چوخ باغیشلا هر زادیمیز جیریلدی !
گول،چیچکی بوستانلاردا ازیرلر
قیزیل ایلان چاتلاقلاری بزیرلر !
حیدربابا تویوق ییماق چَتین دیر
یومورتانین شانه سی اللی مین دیر !
بنزین باها اولوب گؤر بو مسلگی
«مشدی حسن» گازی ائدیب ائششگی !
رستم بو دونیایا بیر یول آچوبدور
قیمت لری گؤرجَک،قؤیوب قاچوبدور !
ائو قیمیتین قولاغینا دئییب لَر !
چؤخ «بیژن»لَر قویودا گیزله نیب لَر !
حیدربابا گل ائشیت ایندی بونو :
عمل ائدیب"کلثوم ننه"بورنونو !
«خجّه سلطان» گؤزل ائدیب صاندیقی !
یوغون گؤتون گئدیب ائدیب فیندیقی !!
آینا قاباقیندا دوروب قیر وئریر !!
هی اؤزونه آفرین،احسن دئییر !!
او اؤغلان کی یئیه ردی سود «قایماغی»!
باشارمادی کـَـت ده داوار یایماغی،
گئدیب «بانک رئیسی» اولوب، قولاق آس
اون آلتی میلیاردی ائدیب اختلاس !!
حیدربابا بوردا اولوب دین، تومن !
یوز مین تومن اولوبدور تَک مین تومن !!
او انسان کی اؤلوب قالین دریسی !
دونیادا وار پریله بربریسی !!
سینیر باشی،قابیرقاسی قیچ قولو
بو دونیادا هرکس گئدیر دؤز یولو !
ایسته ییرم قاچام گئدم ماغارا !
تک قالمیشام اؤزوم قالیب دووارا !!
حیدربابا توکندی ماجرا میز
ایستی سودان چیخانمادی بابامیز !!
«حیدربابا» تاخما دیشین تاخاندا !
دامدان گؤزل قونشوموزا باخاندا !
مامورلرین کتک لرین سال یادا !
گؤزلرین تیک ،باخما گؤزل آروادا !
«حیدربابا » آلزایمر توتموشام من !
گؤزل تاریخیمی اونوتموشام من !
«حیدربابا » بئکار گزیر اوغلوموز !
بوغون قیرخیب،قاش آلدیریر اوغلوموز !
نازیله یول گئدیر،اولوب مامانی !
خیاباندا گؤز چیخاردیر تومانی !
«حیدربابا»"بابا ایمان"جان وئریر !
ائششک هورور،چوخ هاردیر ایت آنقیریر !
"حیدربابا"اخلاقیمیز پوزولدو !
غیرت اؤلدو،یاخشی یامان توز اولدو !
«حیدربابا» باشیمیزی قاتیبلار !
یول کسن لر ذیروه لره چاتیبلار !
حیدربابا کیشی،قدیم کیشی لر !
قورخاردی اونلاردان بوتون دیشی لر !
بیزده کیشیلیکدن بیر آد قالیبدیر !
آروادیمیز جانیمیزی آلیبدیر !
بیر کیشی سؤیله دی منه: آروادیم
پیققیلداییر تئز ایسلانیر هر زادیم !
باشیما آروادیم چالیر وَردَنـَـه !
آغلاییرام هی دئییرم: آی نَـنـَه !!
« حیدربابا » تویوغلارا چاتاندا !
کورچ تویوقی دوتوب یاواش ساتاندا،
دعا ائله منیم ایچین دوغروسو
منده اولوم کورچ تویوغلار اوغروسو !
«حیدربابا »خلقَه منی چوغورلور
یومورتا اوغروسو،دَوَه اوغورلور !
"حیدربابا"قونشوموز اولدو دارا !
یوز ایللیک بوش جیبینه دولدو پارا !
زَمی یئرین ساتیب آلیب « زانتیا »
قودوق مینَن پینتی مینیر "ماکسیما" !
میندیریبدور اوغلو؛ بیر اؤزلو قیزی
ویراژ وئریر ذرّه جه سایمیر بیزی
